✈️ Spend More, Enjoy More Benefits with Chip Mong Bank Visa Debit Card! 🤩Make your overseas travel and spending more rewarding with Chip Mong Bank Visa Debit Card. Enjoy 1% cashback of up to $50 per month on every POS payment made overseas.

✈️ កាន់តែចាយ កាន់តែចំណេញរាល់ការទូទាត់នៅក្រៅប្រទេស ជាមួយ កាតឥណពន្ធ Visa របស់ធនាគារ ជីប ម៉ុង🤩 រាល់ការធ្វើដំណើរ ឬចំណាយនៅក្រៅប្រទេស កាន់តែមានអត្ថប្រយោជន៍ ដោយរាល់ការទូទាត់តាម POS នៅក្រៅប្រទេស ជាមួយ កាតឥណពន្ធ Visa របស់ធនាគារ ជីប ម៉ុង លោកអ្នកនឹងទទួលបានប្រាក់ត្រឡប់ 1% រហូតដល់ $50 ក្នុងមួយខែ។

50USD cashback for Visa Debit Card

ប្រាក់ត្រលប់50ដុល្លារសម្រាប់កាតឥណពន្ធVisa

Home

Visa Debit Card Cashback

CMCB Award

PPSWA Auto Payment

បង់វិក្កយបត្រទឹកស្វ័យប្រវត្តិ

GDT on Mobile App

Visa Credit Card Cashback

FWD Loan Protection 

Home Loan

ភ្នំពេញ៖ ក្នុងគោលបំណងរួមចំណែកលើកកម្ពស់ចំណេះដឹង និងបង្កើតឱកាសថ្មីៗសម្រាប់កសិករខ្មែរ ធនាគារ ជីប ម៉ុង បានបន្តបង្ហាញការប្តេជ្ញាចិត្តក្នុងការគាំទ្រវិស័យកសិកម្មកម្ពុជា តាមរយៈការឧបត្ថម្ភមធ្យោបាយធ្វើដំណើរជូនបងប្អូនកសិករមកពីតាមបណ្តាខេត្ត ដើម្បីមកចូលរួមក្នុងកម្មវិធី «វេទិកា និងពិព័រណ៍កសិកម្មកម្ពុជា ឆ្នាំ២០២៦» ដែលបានប្រព្រឹត្តទៅនៅថ្ងៃទី 23 ដល់ថ្ងៃទី 25 ខែតុលា ឆ្នាំ 2026 នៅមជ្ឈមណ្ឌលពិព័រណ៍ និងសន្និបាតកោះពេជ្រ។
ការគាំទ្រនេះ ឆ្លុះបញ្ចាំងពីការយកចិត្តទុកដាក់របស់ធនាគារ ជីប ម៉ុង ចំពោះតួនាទីដ៏សំខាន់របស់បងប្អូនកសិករខ្មែរ ក្នុងការជំរុញការរីកចម្រើននៃវិស័យកសិកម្ម និងសេដ្ឋកិច្ចជាតិ។ លើសពីការសម្រួលដល់ការធ្វើដំណើរ គំនិតផ្តួចផ្តើមនេះក៏មានគោលបំណងផ្តល់ឱកាសឱ្យបងប្អូនកសិករបានស្វែងយល់ពីចំណេះដឹង បច្ចេកវិទ្យា និងបច្ចេកទេសកសិកម្មថ្មីៗ ព្រមទាំងផ្លាស់ប្តូរបទពិសោធន៍ និងពង្រីកបណ្តាញទំនាក់ទំនងជាមួយអ្នកជំនាញ និងដៃគូពាក់ព័ន្ធ ដើម្បីយកចំណេះដឹងទាំងនោះទៅអភិវឌ្ឍមុខរបរ បង្កើនប្រសិទ្ធភាពផលិតកម្ម និងលើកកម្ពស់ជីវភាពរស់នៅក្នុងសហគមន៍។
តាមរយៈដំណើរទស្សនកិច្ចនេះ បងប្អូនកសិករមានឱកាសស្វែងយល់បន្ថែមពីនវានុវត្តន៍ក្នុងវិស័យកសិកម្ម វិធីសាស្ត្រកែលម្អគុណភាពកសិផល និងការបង្កើនតម្លៃបន្ថែមនៃផលិតផលកសិកម្ម។ កម្មវិធីនេះក៏ជាវេទិកាសម្រាប់បងប្អូនកសិករបានជួបជាមួយអ្នកផលិត អ្នកកែច្នៃ សហគ្រិន និងភាគីពាក់ព័ន្ធ ដើម្បីស្វែងយល់ពីតម្រូវការទីផ្សារ និងឱកាសថ្មីៗសម្រាប់ការអភិវឌ្ឍមុខរបរកសិកម្មរបស់ខ្លួន។
ធនាគារ ជីប ម៉ុង ជឿជាក់ថា ការជួយអោយឱ្យបងប្អូនកសិករទទួលបានចំណេះដឹង និងបទពិសោធន៍ថ្មីៗ មិនត្រឹមតែជួយពង្រឹងសមត្ថភាពរបស់ពួកគាត់ប៉ុណ្ណោះទេ ប៉ុន្តែថែមទាំងអាចជំរុញការចែករំលែកចំណេះដឹងទៅកាន់សមាជិកក្នុងសហគមន៍ និងរួមចំណែកបង្កើនផលិតភាពកសិកម្ម។ ការរីកចម្រើននៃមុខរបរកសិកម្មនៅតាមមូលដ្ឋាន ក៏អាចបង្កើតឱកាសសេដ្ឋកិច្ច និងប្រភពចំណូលបន្ថែមសម្រាប់ប្រជាពលរដ្ឋ ព្រមទាំងរួមចំណែកលើកកម្ពស់ជីវភាពរស់នៅប្រកបដោយចីរភាព។
សម្រាប់ធនាគារ ជីប ម៉ុង ការឧបត្ថម្ភមធ្យោបាយធ្វើដំណើរជូនបងប្អូនកសិករ គឺជាផ្នែកមួយនៃសកម្មភាពទំនួលខុសត្រូវសង្គមរបស់ធនាគារ ដែលផ្តោតលើការបង្កើតឱកាស និងការគាំទ្រដល់ការអភិវឌ្ឍសហគមន៍។ ក្នុងនាមជាធនាគារខ្មែរ ធនាគារ ជីប ម៉ុង បន្តផ្តល់សារៈសំខាន់ដល់ការរួមចំណែកជំរុញសក្តានុពលវិស័យកសិកម្ម និងការរីកចម្រើនរបស់កសិករ សហគ្រិន និងម្ចាស់អាជីវកម្មខ្មែរ។
តាមរយៈការគាំទ្រនេះ ធនាគារ ជីប ម៉ុង បន្តបញ្ជាក់ពីការប្តេជ្ញាចិត្តក្នុងការរួមដំណើរជាមួយបងប្អូនកសិករខ្មែរ ដោយជឿជាក់ថា ការបង្កើតឱកាសទទួលបានចំណេះដឹង និងការពង្រឹងសមត្ថភាពនាពេលបច្ចុប្បន្ន គឺជាមូលដ្ឋានដ៏សំខាន់សម្រាប់ការអភិវឌ្ឍមុខរបរ ការលើកកម្ពស់ជីវភាពសហគមន៍ និងការកសាងអនាគតដ៏រឹងមាំសម្រាប់វិស័យកសិកម្មកម្ពុជា។

khmer

Mobile

ធនាគារ ជីប ម៉ុង បានចូលរួមចំណែកឧបត្ថម្ភលើមធ្យោបាយធ្វើដំណើរជូនដល់បងប្អូនកសិករខ្មែរ ដើម្បីមកចូលរួមក្នុង «វេទិកា និងពិព័រណ៍កសិកម្មកម្ពុជា ឆ្នាំ២០២៦»

ភ្នំពេញ៖ ក្នុងគោលបំណងចូលរួមលើកកម្ពស់សក្តានុពលវិស័យកសិកម្ម និងជំរុញការរីកចម្រើននៃអាជីវកម្មក្នុងស្រុក ធនាគារ ជីប ម៉ុង ដែលជាធនាគារខ្មែរ បានបន្តបង្ហាញការប្តេជ្ញាចិត្តយ៉ាងមុតមាំក្នុងការគាំទ្រវិស័យកសិកម្មកម្ពុជា តាមរយៈការចូលរួមជាអ្នកឧបត្ថម្ភកម្រិតមាស ក្នុងកម្មវិធី «វេទិកា និងពិព័រណ៍កសិកម្មកម្ពុជា ឆ្នាំ២០២៦» ដែលប្រព្រឹត្តទៅនៅថ្ងៃទី ២៣ ដល់ថ្ងៃទី ២៥ ខែតុលា ឆ្នាំ២០២៦ នៅមជ្ឈមណ្ឌលពិព័រណ៍ និងសន្និបាតកោះពេជ្រ។
វិស័យកសិកម្ម គឺជាវិស័យស្នូលដ៏មានសក្តានុពលមួយក្នុងការជំរុញកំណើនសេដ្ឋកិច្ចជាតិ និងជាមូលដ្ឋានដ៏សំខាន់នៃជីវភាពរស់នៅរបស់ប្រជាជនកម្ពុជាជាច្រើនគ្រួសារ។ ការពង្រឹងលទ្ធភាពទទួលបានហិរញ្ញប្បទាន ការលើកកម្ពស់សមត្ថភាពផលិតកម្ម និងការបង្កើតឱកាសទីផ្សារ គឺជាកត្តាចម្បងក្នុងការជួយឱ្យកសិករ សហគ្រិន និងម្ចាស់អាជីវកម្មក្នុងវិស័យកសិកម្ម អាចពង្រីកប្រតិបត្តិការអាជីវកម្ម បង្កើនតម្លៃបន្ថែម និងពង្រឹងសមត្ថភាពប្រកួតប្រជែងទាំងក្នុងទីផ្សារជាតិ និងអន្តរជាតិ។
ក្នុងនាមជាធនាគារខ្មែរ ធនាគារ ជីប ម៉ុង តែងតែផ្តល់សារៈសំខាន់ដល់ការគាំទ្រអាជីវកម្មក្នុងស្រុក ជាពិសេសសហគ្រាសធុនតូច និងមធ្យម និងអាជីវកម្មខ្មែរ តាមរយៈការផ្តល់ដំណោះស្រាយហិរញ្ញវត្ថុសមស្របទៅតាមតម្រូវការអាជីវកម្មរបស់អតិថិជន។ ការគាំទ្រនេះ មិនត្រឹមតែរួមចំណែកជំរុញការរីកចម្រើនរបស់សហគ្រិនខ្មែរប៉ុណ្ណោះទេ ប៉ុន្តែថែមទាំងជួយបង្កើតឱកាសសម្រាប់ការពង្រីកផលិតកម្ម ការកែច្នៃក្នុងស្រុក និងការបង្កើនតម្លៃបន្ថែមដល់ផលិតផលកសិកម្មកម្ពុជា ពីវត្ថុធាតុដើមទៅជាផលិតផលសម្រេចដែលមានតម្លៃបន្ថែមខ្ពស់ និងមានសក្តានុពលនាំចេញទៅកាន់ទីផ្សារអន្តរជាតិ ក្រោមអត្តសញ្ញាណ «Made in Cambodia»។ ទន្ទឹមនឹងនេះ ការរីកចម្រើននៃអាជីវកម្ម និងវិស័យកសិកម្មក្នុងស្រុក ក៏អាចរួមចំណែកបង្កើតឱកាសការងារ និងប្រភពចំណូលបន្ថែមជូនប្រជាពលរដ្ឋនៅតាមសហគមន៍ លើកកម្ពស់ជីវភាពរស់នៅ និងជួយកាត់បន្ថយការចំណាកស្រុកផងដែរ។
កម្មវិធី «វេទិកា និងពិព័រណ៍កសិកម្មកម្ពុជា ឆ្នាំ២០២៦» បានក្លាយជាវេទិកាដ៏សំខាន់មួយក្នុងការប្រមូលផ្តុំទៅដោយ សហគ្រិន អ្នកផលិត អ្នកកែច្នៃ កសិករ អ្នកវិនិយោគ ស្ថាប័នហិរញ្ញវត្ថុ និងភាគីពាក់ព័ន្ធក្នុងវិស័យកសិកម្ម ដើម្បីផ្លាស់ប្តូរចំណេះដឹង និងបទពិសោធន៍ ស្វែងយល់ពីនវានុវត្តន៍ និងបច្ចេកវិទ្យាកសិកម្មទំនើប ព្រមទាំងពង្រីកបណ្តាញទំនាក់ទំនងអាជីវកម្ម និងស្វែងរកឱកាសសហការថ្មីៗក្នុងការអភិវឌ្ឍវិស័យកសិកម្មកម្ពុជាប្រកបដោយចីរភាព។
លើសពីការចូលរួមជាអ្នកឧបត្ថម្ភកម្រិតមាស ធនាគារ ជីប ម៉ុង ក៏បានចូលរួមគាំទ្រដល់កសិករខ្មែរ ឱ្យមានឱកាសមកចូលរួមក្នុងវេទិកា និងពិព័រណ៍នេះ ដើម្បីទទួលបានចំណេះដឹង និងបទពិសោធន៍ថ្មីៗ ស្វែងយល់ពីបច្ចេកវិទ្យា និងដំណោះស្រាយកសិកម្មទំនើប ព្រមទាំងភ្ជាប់ទំនាក់ទំនងជាមួយអ្នកជំនាញ សហគ្រិន និងដៃគូអាជីវកម្ម ដែលអាចជួយបង្កើនប្រសិទ្ធភាពផលិតកម្ម និងបើកឱកាសថ្មីៗសម្រាប់ការអភិវឌ្ឍមុខរបររបស់ពួកគាត់។
ការចូលរួមគាំទ្រកម្មវិធីនេះ បានឆ្លុះបញ្ចាំងពីចក្ខុវិស័យរបស់ធនាគារ ជីប ម៉ុង ក្នុងការដើរតួនាទីជាដៃគូហិរញ្ញវត្ថុដែលរួមចំណែកជាមួយសហគ្រិន និងអាជីវកម្មខ្មែរ ក្នុងការពង្រឹងខ្សែច្រវាក់ផលិតកម្ម ចាប់ពីការផលិត ការកែច្នៃ រហូតដល់ការពង្រីកទីផ្សារ។ ធនាគារ ជីប ម៉ុង ជឿជាក់ថា ការវិនិយោគលើសក្តានុពលវិស័យកសិកម្មនាពេលបច្ចុប្បន្ន គឺជាការរួមចំណែកកសាងមូលដ្ឋានសេដ្ឋកិច្ចដ៏រឹងមាំសម្រាប់អនាគត តាមរយៈការបង្កើតឱកាសការងារក្នុងសហគមន៍ ការលើកកម្ពស់ជីវភាពប្រជាជន និងការជំរុញផលិតផលខ្មែរឱ្យកាន់តែមានសមត្ថភាពប្រកួតប្រជែងលើឆាកអន្ដរជាតិ។
ជាមួយនឹងការប្តេជ្ញាចិត្តដ៏មុតមាំនេះ ធនាគារ ជីប ម៉ុង នឹងបន្តចូលរួមគាំទ្រ និងផ្តល់ដំណោះស្រាយហិរញ្ញវត្ថុសមស្រប ដើម្បីជំរុញការរីកចម្រើនរបស់សហគ្រិន និងអាជីវកម្មក្នុងវិស័យកសិកម្ម ព្រមទាំងរួមចំណែកលើកកម្ពស់សក្តានុពលផលិតផលខ្មែរ និងការអភិវឌ្ឍសេដ្ឋកិច្ចជាតិប្រកបដោយចីរភាព។

ធនាគារ ជីប ម៉ុង បន្តបេសកកម្មក្នុងការគាំទ្រវិស័យកសិកម្មកម្ពុជា តាមរយៈការចូលរួមជាអ្នកឧបត្ថម្ភកម្រិតមាស ក្នុង «វេទិកា និងពិព័រណ៍កសិកម្មកម្ពុជា ឆ្នាំ២០២៦»

ធនាគារ ជីប ម៉ុង មានមោទនភាពក្នុងការប្រកាសថា ធនាគារបានទទួលពានរង្វាន់អន្តរជាតិដ៏មានកិត្យានុភាពចំនួន ២ សម្រាប់ឆ្នាំ ២០២៦ រួមមាន ពានរង្វាន់ “ធនាគារឆ្នើមបំផុតសម្រាប់សហគ្រាសធុនតូច និងមធ្យម” និង “កម្មវិធីធនាគារឌីជីថលល្អបំផុតសម្រាប់អតិថិជន” ពីស្ថាប័នអន្តរជាតិ Global Banking &amp; Finance Review។

ការទទួលស្គាល់ដ៏មានកិត្យានុភាពនេះ បានឆ្លុះបញ្ចាំងពីភាពជាអ្នកដឹកនាំ ការច្នៃប្រឌិត និងស្តង់ដារសេវាកម្មដ៏ឆ្នើមរបស់ធនាគារ ជីប ម៉ុង ក្នុងការផ្ដល់ដំណោះស្រាយហិរញ្ញវត្ថុដែលផ្ដោតលើតម្រូវការរបស់អតិថិជន និងការរួមចំណែកជំរុញការអភិវឌ្ឍសេដ្ឋកិច្ចនៅកម្ពុជា។

ពានរង្វាន់ “ធនាគារឆ្នើមបំផុតសម្រាប់សហគ្រាសធុនតូច និងមធ្យម នៅកម្ពុជា ឆ្នាំ ២០២៦” គឺជាការទទួលស្គាល់លើការប្តេជ្ញាចិត្តរបស់ធនាគារ ក្នុងការគាំទ្រសហគ្រាសធុនតូច និងមធ្យម (SMEs) ដែលជាកម្លាំងស្នូលដ៏សំខាន់សម្រាប់សេដ្ឋកិច្ចជាតិ។

សម្រាប់ធនាគារ ជីប ម៉ុង ដែលជាធនាគារបង្កើតឡើងដោយកូនខ្មែរ ការគាំទ្រសហគ្រាសធុនតូច និងមធ្យ គឺលើសពីការផ្ដល់ឥណទាន ពោលគឺជាការកសាងភាពជាដៃគូយុទ្ធសាស្រ្តរយៈពេលវែង ដែលរួមចំណែកគាំទ្រការរីកចម្រើនរបស់អាជីវកម្ម តាមរយៈការផ្ដល់ដំណោះស្រាយហិរញ្ញវត្ថុដែលសមស្រប ការប្រឹក្សាយោបល់ និងការគាំទ្រយុទ្ធសាស្រ្តអាជីវកម្ម។

ធនាគារ ជីប ម៉ុង បានផ្ដោតសំខាន់លើវិស័យកសិកម្ម ជាពិសេសវិស័យស្រូវអង្ករ និងស្វាយចន្ទី ដែលជាវិស័យដ៏មានសក្តានុពលខ្ពស់សម្រាប់អនាគតសេដ្ឋកិច្ចកម្ពុជា ដោយបានប្តេជ្ញាផ្ដល់ទុនរហូតដល់ ៥០០ លានដុល្លារ ដើម្បីជំរុញខ្សែច្រវាក់ផលិតកម្ម បង្កើតការងារ បង្កើនចំណូល កាត់បន្ថយការចំណាកស្រុក និងលើកកម្ពស់ជីវភាពរស់នៅរបស់ប្រជាពលរដ្ឋកម្ពុជា។

ទន្ទឹមនឹងនេះ ពានរង្វាន់ “កម្មវិធីធនាគារឌីជីថលល្អបំផុតសម្រាប់អតិថិជនបុគ្គល នៅកម្ពុជា ឆ្នាំ ២០២៦” ក៏បានបង្ហាញពីការទទួលស្គាល់លើការច្នៃប្រឌិតឌីជីថល និងការប្តេជ្ញាចិត្តរបស់ធនាគារ ក្នុងការផ្ដល់បទពិសោធន៍ធនាគារឌីជីថលដែលឆ្លាតវៃ រហ័ស សុវត្ថិភាព និងងាយស្រួលសម្រាប់ប្រតិបត្តការហិរញ្ញវត្ថុប្រចាំថ្ងៃរបស់អតិថិជនគ្រប់រូប។

តាមរយៈកម្មវិធី CHIP MONG BANK APP អតិថិជនអាចប្រើប្រាស់សេវាហិរញ្ញវត្ថុជាច្រើនយ៉ាងងាយស្រួល រួមមានការផ្ទេរប្រាក់ ការទូទាត់វិក្កយបត្រ និងការបង់ពន្ធគ្រប់ប្រភេទ តាមរយៈ App តែមួយ ដោយមិនចាំបាច់អញ្ជើញមកសាខាធនាគារផ្ទាល់។

លើសពីនេះ ធនាគារ ជីប ម៉ុង ក៏ជាធនាគារកូនខ្មែរដំបូងគេ ដែលផ្ដល់ជូនអត្រាការប្រាក់ 3% ដោយគ្រាន់តែភ្ជាប់ការបង់វិក្កយបត្រភ្លើងស្វ័យប្រវត្តិជាមួយ CHIP MONG BANK APP ដែលជាការបង្កើតតម្លៃបន្ថែម និងអត្ថប្រយោជន៍ជាក់ស្តែងសម្រាប់អតិថិជនក្នុងជីវិតប្រចាំថ្ងៃ។

សមិទ្ធផលទាំងពីរនេះ គឺជាសក្ខីភាពនៃការខិតខំប្រឹងប្រែងឥតឈប់ឈររបស់ធនាគារ ជីប ម៉ុង ក្នុងការកសាងស្តង់ដារថ្មីសម្រាប់វិស័យធនាគារ និងការបន្តនាំយកនវានុវត្តន៍ហិរញ្ញវត្ថុទំនើបៗ មកបម្រើតម្រូវការរបស់ប្រជាជនកម្ពុជា និងរួមចំណែកជំរុញការអភិវឌ្ឍសេដ្ឋកិច្ចឌីជីថលនៅកម្ពុជា។

BANKING_SERVICES

FOR_EVERYONE

INTERNET_BANKING_ACCESS_YOUR_ACCOUNT_FROM_ANYWHERE

NEWS

GROWTH_WITH_US